اسلام آباد۔15اکتوبر(اے پی پی) د شنګھائي مرستې تنظيم (اېس سی او) غړو هېوادونو د کونسل آف دی هېډز آف ګورنمنټ (سی اېچ جی) 23 مه دوه ورځنۍ غونډه د نهې په ورځ په اسلام آباد كښې پېل كيږي ٬ په دې كښې ګډون كولو له د غړو هېوادونو د استازو پاكستان ته د رارسېدو لړۍ روانه ده۔ د وفاقي حكومت په جناح كنونشن سېنټر كښې كېدونكو ددې غونډې مشري به وزيراعظم شهباز شريف د کونسل د موجوده چيئر په توګه كوي۔ پاکستان په 26 اکتوبر 2023 د کرغزستان په پلازمينه بشكيك كښې شوې 2023-24 لپاره د سی اېچ جی د چئیر په توګه خپلې ذمه وارۍ سنبالې كړې وې۔ د حکومتي مشرانو كونسل د شنګھائی مرستې تنظيم دوهم تر ټولو اعلی فورم دے كوم چې خصوصي پام سماجي ٬ اقتصادي ٬ تجارتي او مالياتي څانګو كښې د غړو هېوادونو ترمينځه همكارۍ ته وده وركولو پلو ګرځوي۔ كونسل په كال كښې يوه غونډه كوي دغسې چې د تنظيم دننه په ګڼ اړخيزه همكارۍ او د ترجيحي څانګو په حكمت عملۍ د خيالاتو څرګندونې سره سره په اقتصادي او نورو څانګو كښې د بنيادي او مهمو مسئلو تعين وكړے شي او د اېس سي او بجټ منظور كړے شي۔ سرمشريزه غونډه كښې د ګډون كوؤنكو غړو هېوادونو په مشرانو كښې د چين وزیراعظم سټېټ کونسل لی چیانګ، د بیلاروس وزیراعظم رومان ګولوف چینکو، د قازقستان وزیراعظم اولړاس بیک تینوف، د روسيه وزیراعظم میخائل مشوستن، د تاجکستان وزیراعظم کوهر رسول زادہ، ازبک وزیراعظم عبداللہ اریپوف، د کرغزستان د وزيرانو كابينې چيئرمېن ړاپاروف اکیل بیک، د ایران نائب صدر رضا عارف او د هند خارجه وزير سبرامنيم جے شنكر شامل دے۔ دې سره سره منګوليا د مبصر په توګه په دې غونډه كښې ګډون كوي۔ چې نمائندګي يۍ وزيراعظم كوي۔ د ترکمانستان د خاص مېلمه په توګه نمائندګي د وزيرانو د كابينې نائب چيئرمېن راشد مریدوف كوي۔ په غونډه كښې ګډون كوؤنكو نورو مېلمنو كښې د اېس سي او عمومي سېكتر جانګ منګ، ډائرېکټر اېګزېکټو کمېټی ایس سی او ریجنل اېنټی ټېررسټ سټرکچر رسلان مرزائیف، د بورډ آف ایس سی او بزنس کونسل چیئرمېن عاطف اکرام شېخ او د کونسل آف اېس سی او انټر بېنک یونین چیئرمین مارات ییلی بائیف شامل دي۔ وزیر اعظم شهباز شریف به د نهې په ماښام دستوره كښې د ګډون كوؤنكو په درناوي كښې د ماسخوتن مېلمستيا كوي۔ سيمه اييز لارښود به سبا د شورؤ په ورځ په جناح کنونشن سېنټر كښې معيشت ، تجارت، ماحولیات، سماجی او كلتوري رابطو په څانګو كښې په روانه همكارۍ د خيالاتو څرګندونه كولو سره سره د تنظيم د كاركردګۍ جاج اخلي۔ په غونډه كښې به د مرستې تنظيم غړو هېوادونو ترمينځه د همكارۍ لا زياتولو او د تنظيم بجټ منظورۍ له مهمې تنظيمي پرېكړې هم كولې شي۔ په باضابطه توګه د كنفرنس پېل كېدو څخه وړاندې به وزيراعظم شهباز شريف د لارښودو هركلې كوي دغې څخه ورستو به ګروپ فوټو سېشن وي۔ په غونډه كښې د ګډون كوؤنكو لارښودو بيانونو څخه وړاندې د وزیراعظم شهباز شريف ابتدائي كلماتو سره به د غونډې كارروائي پېل شي۔ په غونډه كښې د ګډون كوؤنكو لارښودو لخوا په بېلو دستاوېزاتو لاسليك څخه وروستو به وزيراعظم به اختتامي كلمات وړاندې كړي۔ نائب وزیراعظم او خارجه وزير اسحاق ډار به د اېس سی او عمومي سېكتر ژانګ منګ سره د دوه ورځنۍ سرمشريزې غونډې په مهمو نكتو او نتيجو د خيالاتو څرګندونې له ميډيا بيانونه وړاندې كوي۔ وزيراعظم شهباز شريف به په غونډه كښې د ګډون كوؤنكو لارښدو په درناوي كښې د شورؤ په ورځ سركاري ظهرانه هم وركوي۔ د خارجه دفتر وياندې ممتاز زهره بلوچ په يو بيان كښې وئيلي دي چې د پاكستان لخوا د اېس سي او غړو هېوادونو سرمشريزې غونډې كوربتوب څخه د تنظيم مقاصدو او اصولو لپاره د پاكستان د مستقل عزم عكاسي كيږي۔ په كال 2017 كښې د شنګھائي مرستې تنظيم غړے جوړېدو څخه وروستو پاكستان تل د تنظيم غړو او ګاونډي هېوادونو سره اړيكې مضبوطولو له مستقل او تعميري كار كړے دے۔
د ايس سي او غړو هيوادونو د مشرانو 23 مه دوه ورځنۍ غونډه ٬ د غړو هيوادونو د استازو د رارسيدو لړۍ روانه ده
مضمون کا ماخذ : لاٹری آن لائن
متعلقہ مضامین
