مکه المکرمه۔7جون(اے پی پی) د پاكستان په شمول ګردې نړۍ څخه د لكھونو په شمېر مسلمانان به سبا ( د جمعې په ورځ) منیٰ ته رسېدو سره 5 ورځني د حج مناسك ادا كول پېل كړي۔ حاجيان صاحبان به د خالي په ورځ په 15 جون سهر وقوف عرفه له د عرفات مېدان ته ځي۔ سعودي حكومت حاجيانو له د آسانيو برابرولو او د دوئي امنيت باوري كولو ټولو انتظامات بشپړ كړي دي۔ په منی كښې يوې ورځې له د پاتې كېدو په مهال به حاجيان صاحبان 5 وخته لمونځ او نور عبادتونه كوي۔ په 15 جون به د خالي په ورځ دوئي د عرفان مېدان ته روانېږي۔ دغلته به د حج خطبې څخه وروستو د ماسپخين او ماځيګر لمونځ په يو وخت ادا كوي۔ دوئي به د عرفات مېدان كښې د پاتې كېدو په مهال ټوله ورځ عاجزۍ سره د پاك پروردګار په عبادت كښې مشغول پاتې كيږي۔ ماښام څخه وړاندې به دوئي مزدلفه پلو روانېږي۔ چرته به چې دوئي د ماښام و ماسخوتن لمونځ په يو وخت ادا كوي۔ په مزدلفه كښې به دوئي رمي جمرات لپاره كانړي جمع كوي۔ دوئي به په مزدلفه كښې شپه تېروي او دغلته آرام سره سره به عبادت هم كوي۔ په 16 جون د اتوار په ورځ به سهر حاجيان صاحبان منی ته بېرته ځي چرته به چې دوئي رمي كوي۔ اول به دوئي لويې شیطان ٬ بيا منځومانې او دې څخه وروستو وركوټے شېطان اوو اوو كانړو سره نخښه كوي۔ دې څخه وروستو به حاجيان صاحبان د پاك پروردګار په لاره كښې قرباني كوي ٬ خپل سر حلق كولو څخه وروستو به احرام پرانيزي او عامې جامې به اچوي۔ بيا به تر دوه نورو ورځو په منی كښې پاتې كيږي۔ په 16 جون به دوئي د بېت الله شريف طواف له مكې مكرمې ته روانېږي۔ په 17 جون د ګل په ورځ به يو وارې بيا رمي جمرات كوي او ټوله ورځ او شپه به عبادت كښې تېروي۔ په 18جون د نهې په ورځ به په وروستي ځل د درې واړو شېطانو رمي كولو څخه وروستو حاجيان صاحبان د ماښام كېدو څخه وړاندې د منی له حدونو بهر وځي۔ د سعودي د حج او عمرې وزارت يو وارې بيا د دې خبرې اهميت په ډاګه كړې دې چې هر يو حاجي لپاره د حج فرض ترسره كولو په مهال نسك كارډ خپل ځان سره ساتل ضروري دي۔ د سعودي عربستان د حج او عمرې وزير توفيق الربيعه د سعودي عربستان د ضيوف الرحمن د خذمت د عزم پخلے كړے دے
د حج 5 ورځني مناسك سبا منیٰ څخه پيل كيږي ٬ د حج تر ټولو لويے ركن وقوف عرفه به په 15 جون د خالي په ورځ وي ٬ حاجيانو له د آسانيو برابرولو او امنيت باوري كولو ټولو انتظامات بشپړ شوي
مضمون کا ماخذ : لاٹری کی پیشگوئی
متعلقہ مضامین
