اسلام آباد۔8اکتوبر(اے پی پی)نائب وزیراعظم اتے وزیر خارجہ سینیٹر محمد اس??اق ڈار اسلام آباد اچ کنگ سلمان ہیومنٹیرین اینڈ ریلیف سنٹر ولوں پاکستان اچ تعلیم، صحت، بحالی و ترقیاتی من??وبیاں اتے خدماتی سہولیات کیتے مشترکہ تعاون پروگراماں اتے عملدرآمدی معاہداں تے دستخطوں دی تقریب اچ شرکت کیتی۔ تقریب اچ پاکستان اچ سعودی ??رب دے سفیر نواف بن سعید المالکی، این ڈی ایم اے دے سینئر حکام، چیئرمین این سی ایچ ڈی، چیئرمین پاکستان ریڈ کریسنٹ سوسائٹی اتے ٻئے حکام سودھا کنگ سلمان ہیومنٹیرین اینڈ ریلیف سنٹر دے اس??ٹنٹ سپروائزر جنرل انجینئر احمد علی عبدالﷲ الباعث وی موجود ہن۔ نائب وزیراعظم و وزیر خارجہ سینیٹر محمد اس??اق ڈار آکھیا جو پاکستان اتے سعودی ??رب دے ہر سطح تے ڳھاٹے تعلقات اتے تکڑا تعاون اے، اقوام متحدہ اتے اسلامی تعاون تنظیم سودھا کثیر الجہتی فورمز تے رل تے کم کریسوں، شاہ سلمان بن عبدالعزیز اتے ولی عہد شہزادہ محمد بن سلمان اتے وزیراعظم محمد شہباز شریف ݙوطرفہ سٹرٹیجک تعاون ٻیا تکڑا کریسن، کنگ سلمان ہیومنٹیرین اینڈ ریلیف سنٹر ولوں مختلف من??وبیاں تے دستخط تھیوݨ نال ݙوہیں ملک اتے عوام ٻئے ڳھاٹے سنڳتی ٻݨسن، اس??ں اے سنڳت کݙاھیں نا ٻھلسوں، نویں من??وبیاں نال پاکستان کوں قدرتی آفات نال نمٹݨ اتے بحالی دے کماں اچ ??دد ملسی۔ انہاں آکھیا جو سعودی ??رب دا ہک ??جارتی وفد سرمایہ کاری امکانات ݙیکھݨ کیتے پاکستان آندا پئے۔ تقریب نال سعودی سفیر نواف بن سعید المالکی وی خطاب کیتے۔ تقریب اچ پاکستان اچ ریلیف دے کم سانڳے ہک ??ستاویزی فلم وی ݙکھائی گئی۔ تقریب اچ کنگ سلمان ہیومنٹیرین اینڈ ریلیف سنٹر اتے پاکستان وچال مختلف مفاہمتی یادداشتاں تے دستخط کیتے ڳن جیندے نال قدرتی آفات نال نمٹݨ کیتے ہیومن ریسورس فیسیلٹی اسلام آباد اچ قائم کیتی ویسی، اپر چترال اچ ایجوکیشن فار آل دے سکول ٻݨائے ویسن، خیبرپختونخوا اتے پنجاب اچ سیلاب زدگان کیتے مکان ٻݨائے ویسن، آزاد کشمیر اتے ملک دے ٻئے علاقیاں اچ صحت و تعلیم دے مراکز قائم کیتے ویسن اتے اینڄھے متاثرہ مراکز دی بحالی دا کم کیتا ویسی۔
کنگ سلمان ہیومنٹیرین اینڈ ریلیف سنٹر ولوں مشترکہ تعاون پروگراماں، عملدرآمدی معاہداں تے دستخط دی تقریب، نائب وزیراعظم اسحاق ڈار دی شرکت
مضمون کا ماخذ : آن لائن اسکریچ کارڈز
متعلقہ مضامین
