اسلام آباد۔22ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو نیوزی لینڈ کرکٹ ٹیم کوں تڑی دے تانے بانے بھارت نال ملدن ، احسان اللہ احسان نامی نقلی آئی ڈی بھارت توں نقلی فیس بک اکائونٹ توں نیوزی لینڈ کوں دورہ پاکستان توں روکݨ دی تڑی ݙتی ڳئی ، اے نقلی آئی ڈی بھارت توں جنریٹ تھئی ، سنڈے گارڈین نیوزی لینڈ ٹیم دے دورے دے خلاف تڑی آلا آرٹیکل لکھیا، نیوزی لینڈ دے اوپنر مارٹن گپٹل دی ذال کوں وی تڑی آلی ای میل بھیجی ڳئی، نیوزی لینڈ دی ٹیم کوں جیڑھیاں وی تڑیاں ݙتیاں ڳئن ??نہ??ں دا ڳڑھ بھارت ہئی، نیوزی لینڈ دا دورہ منسوخ کراوݨ دا مقصد پاکستان کوں شرمندہ کرݨ ہئی ، بھارت جتنی مرضی کوشش کرگھنے اینکوں ناکامی دا سامݨا کرݨا پمسے ، آئی سی سی نیوزی لینڈ اتے ݙوجھیاں ٹیماں دے دورہ پاکست??ن دے حوالے نال ملݨ آلیاں تڑیاں دا نوٹس گھنے ، پی سی بی اتے حکومت نیوزی لینڈ دے دورے دی من??وخ?? تے رد عمل ݙیسن ، سارے بین الاقوامی کرکٹرز دا شکریہ ادا کریندوں جیڑھے اوکھے ویلھے پاکست??ن دے نال کھڑے تھئن ۔ اے ڳال ??نہ??ں ٻدھ کوں وزیر داخلہ شیخ رشید احمد دے رلے پریس کانفرنس توں خطاب کریندے ہوئیں آکھی اے ۔ وفاقی وزیر اطلاعات آکھیے جو پاکستان کوں ففتھ جنریشن ہائبرڈ وار اتے میڈیا وار دا سامݨا اے ، جݙاں تئیں تحریک لبیک دی تحریک چلدی پئی ہئی اینکوں ہندوستان توں سپورٹ ??لی، سوشل میڈیا وار فیئر قائم کیتا ڳیا ، ٹویٹس تھئے ، تحریک لبیک اچ لوک آپݨے عقیدے اتے احترام دی وجہ توں رلیے لیکن اے کیڑھے طریقے نال استعمال تھئے ایندا ??نہ??ں کوں پتہ وی کائنی لڳیا۔ ??نہ??ں آکھیے جو نیوزی لینڈ دی کرکٹ ٹیم دا جݙاں دورہ منسوخ تھیندا پیا ہئی اوں ویلھے ایس سی او دا سربراہی اجلاس جاری ہئی ، وزیراعظم دی تقریر تھیوݨ آلی ہئی ، تقریر توں تقریباً 15 منٹ پہلے میکوں اے سنھیا ملیا جو نیوزی لینڈ دی ٹیم دورہ منسوخ کریندی پئی اے ، وزیر خارجہ شاہ محمود قریشی، قومی سلامتی دے مشیر معید یوسف اتے وزیراعظم دے پرسنل اسٹاف دے نال رل تے اساں مشورہ کیتا تے آکھیا جو اے خبر وزیراعظم کوں ??نہ??ں دی تقریر دے بعد ݙتی ویسی تاں جو ??نہ??ں دی تقریر اچ کہیں قسم دا کوئی خلل نہ آوے ، ایندے توں اندازہ لاتا ونڄ سڳدے جو اے صورتحال پاکستان اتے ایندے عوام سانڳے کتنی اوکھی ہئی ، نیوزی لینڈ دا دورہ منسوخ تھیوݨ توں پاکست??ن دے لوکاں اچ کاوڑ آئی ، ٻہوں سارے لوک کاوڑ اچ ہن ۔ وفاقی وزیر اطلاعات دورہ من??وخ?? دے حوالے نال کچھ حقائق پیش کریندے ہوئیں آکھیے جو 19 اگست 2021ءکوں احسان اللہ احس??ن دے ناں توں ھک نقلی فیس بک آئی ڈی بݨائی ڳئی جیں توں ھک فیس بک پوسٹ کیتی ڳئی جیں اچ آکھیا ڳئے جو ”نیوزی لینڈ کرکٹ بورڈ اتے نیوزی لینڈ دی حکومت کرکٹ ٹیم کوں پاکستان نہ بھیجے، کیوں جو سکیورٹی صورتحال پاکستان اچ چنڳی کائنی ۔ جیویں اساکوں پتہ اے جو عالمی جہادی تنظیم آئی ایس (داعش) پاکستان اچ وݙے ٹارگٹ دی ڳول وچ ہے لہذا اے ٹارگٹ نیوزی لینڈ دی کرکٹ ٹیم وی تھی سڳدے ، او اپݨی موجودگی ظاہر کرݨ تے میڈیا دی توجہ حاصل کرݨ کیتے ایجھا قدم چا سڳدی اے میں ڄاݨدا جو جہادی تنظیم آئی ایس اس پوسٹ دے بعد میکوں ناراض تھیسی لیکن میکوں کرکٹ پسند اے تے میں کھیل دے حق اچ کائنی ، میں جو آکھݨا ہئی آکھ ݙتے ہݨ اے نیوزی لینڈ کرکٹ ٹیم دا کم اے تے نیوزی لینڈ دی حکومت کوں سنجیدگی نال سوچݨا چاہیدے ۔ احسان اللہ احسان، سابق ترجمان ٹی ٹی پی۔“ وفاقی وزیر اطلاعات ݙسایا جو پہلی پوسٹ 19 اگست 2021ءکوں فیس بک تے آئی، ایندے بعد 21 اگست 2021ءکوں بھارتی اخبار سنڈے گارڈین دے بیورو چیف ابی نندن مشرا ھک آرٹیکل شائع کیتا جیں اچ آکھیا ڳئے جو نیوزی لینڈ کرکٹ ٹیم کوں پاکستان اچ دہشت گرد حملے دا سامݨا کرݨا پئے سڳدے ۔ اے آرٹیکل احسان اللہ احس??ن دی فیک پوسٹ دی بنیاد تے لکھیا ڳئے ۔ وفاقی وزیر اطلاعات آکھیے جو 19 اگست کوں پوسٹ آندی اے ، 21 اگست کوں ہندوستان اچ آرٹیکل لکھیا ویندے جو نیوزی لینڈ دی کرکٹ ٹیم کوں خطرے دا سامݨِا اے، 24 اگست 2021ءکوں نیوزی لینڈ دے اوپنر مارٹن گپٹل دی ذال کوں تحریک لبیک دی ھک ای میل آئی ڈی توں تڑی بھیجی ویندی اے جیں اچ آکھیا ویندے جو مارٹن گپٹل کوں پاکستان اچ قتل کر ݙتا ویسی ۔وفاقی وزیر اطلاعات آکھیے جو او سارے ایں صورتحال اچ ??نہ??ں سارے کرکٹرز دا شکریہ ادا کریندن جیڑھے جو پاکست??ن دے رلے کھڑے تھئن ۔ پوری دنیا توں کرکٹ نال محبت کرݨ آلے لوکاں پاکستان کرکٹ بورڈ اتے حکومت کیتے نیک خواہشات دا اظہار کیتے ۔ ??نہ??ں آکھیے جو ایجھے تھریٹس آندے رہندن ، ??نہ??ں کوں پہلے وی ناکام بݨایا ڳئے ، بھارت جتنی مرضی فنڈنگ کرگھنے، اینکوں ناکامی دا سامݨا کرݨا پمسے ۔
نیوزی لینڈ کرکٹ ٹیم کوں تڑی دے تانے بانے بھارت نال ملدن ، احسان اللہ احسان نامی نقلی آئی ڈی بھارت توں جنریٹ تھئی ، بھارت جتنی مرضی کوشش کرے، اینکوں ناکامی دا سامݨا کرݨا پوسے ، وفاقی وزیر اطلاعات چوہدری فواد حسین دی پریس کانفرنس
مضمون کا ماخذ : راکی
متعلقہ مضامین
